დედით ობოლი ბათა მამამ ქალაქში სემინარიის სასწავლებელში მიაბარა მოსამსახურედ. ცხრა წლის შემდეგ ბათა სოფელს დაუბრუნდა, ბავშვობის ოცნება აისრულა და მებორნე გახდა. ბათამ ცხოვრების გრძელი გზა განვლო, გახდა ბევრი მოვლენის მოწმე: ბატონყმობის გადავარდნის, რევოლუციის, დროების შეცვლის. დაოჯახდა, ცხრა შვილიც გაზარდა, მაგრამ თანასოფლელი გოგონას სიდუს სიყვარული ბოლომდე გაყვა.