თამაზ ბუჩუკურს უცნაური თვისება აქვს, მისი სახის გამოსახულება ფირზე არ აღიბეჭდება. უშიშროების ორგანოები ჩათვლიან, რომ ეს ფენომენი სახელმწიფოს საფრთხეს უქმნის, სამედიცინო გამოკვლევებით დათრგუნული, შეშინებული თამაზი გარე სამყაროსთან ურთიერთობას გაწყვეტს და სარდაფში ჩაიკეტება. თამაზის ცოლი ქმრის გაუჩინარებით დაეჭვებული სამართალდამცველთა შეურაცხყოფას ვეღარ აიტანს და ღირსებადაკარგულ, სოროში ვირთხასავით გამომწყვდეულ ქმარს მიატოვებს. ქვეყანაში ვითარება იცვლება. თამაზს აღარავინ არ ერჩის. მაგრამ სარდაფში შეჩვეულ ,,ვირთხას“ ადამიანური თვისებების დაბრუნება აღარ სურს.