სოფლელი ქვრივი მაგდანა ყოველდღე ეზიდება თბილისში ახლლადშეყენებულ მაწონს, რათა გამოკვებოს სამი ბავშვი, ერთხელ ბავშვებმა სოფელთან ახლოს გზაზე ნახეს მომაკვდავი ვირი, რომლის მეპატრონემ მდიდარმა ვაჭარმა მიტუამ, ჩათვალა, რომ სახედარი ვეღარ ადგებოდა და მიაგდო სასიკვდილოდ. ბავშვებმა კი გადაარჩინეს, გამოკვებეს, მოაღონიერეს, სახელად „ლურჯა“ დაარქვეს. ლურჯა კეთილი თვისებების გამოდგა. მაგდანა უკვე თვითონ აღარ ეზიდებოდა მძიმე მაწვნით სავსე ხურჯინს ქალაქში. მაგრამ ეს ბედნერება დიდხანს არ გაგრძელებულა. ბაზარში ვაჭარ მიტუამ შეიცნო თავის მიერ გზაზე სასიკვდილოდ მიტოვებული სახედარი, შეუმოწმა დაღი და დარწმუნდა რა, რომ ვირი მისი იყო, წამოაყენა თავისი უფლებები. მაგდანა შეეცადა წინააღმდეგობა გაეწია ამ ულმობელი ძალადობისათვის, ბავშვებმა ხომ მართლაც გადაარჩინეს პირუტყვი სიკვდილს. მაგრამ მიტუამ სასამართლოში განაცხადა, მოქრთამა მოსამართლე და დაიბრუნა ვირი. ხოლო მაგდანასათვის და მისი შვილებისათვის უფრო დამძიმდა და სევდინი გახდა ცხოვრება, ვიდრე ეს ლურჯას გამოჩენამდე იყო, რადგან მათ სამუდამოდ დაკარგეს მოულოდნელად შეძენილი გრძელყურება მეგობარი.
1956 – კანის საერთაშორისო კინოფესტივალი, ჯილდო საუკეთესო მოკლემეტრაჟიანი მხატვრული ფილმისთვის (თენგიზ აბულაძე და რეზო ჩხეიძე)
1956 – ქ.ედინბურგი, საერთაშორისო კინოფესტივალის საპატიო დიპლომი