სოფლის მილიციის რწმუნებულ ხუტა წულეისკირს იმის დარდი აწუხებს, რომ სოფლის ყველა მოსახლე ჩართულია სასოფლო სამეურნეო სამუშაოებში და კრიმინალური საქციელის ჩადენისათვის არავის სცალია, და როდესაც მას გონია, რომ ერთ დღესაც დაიბარებენ და მის თანამდებობას გააუქმებენ, ამ დროს მისი თანაშემწე ღინტუ მოუტანს ამბავს, რომ მეურნეობის მძღოლმა ჯოტია ცაავამ მდინარის გაღმა ნაპირიდან შვიდკილოგრამიანი ქვის ტყორცნით ღობე დაუზიანა კოლმეურნე დურუ ხუჭუას. მიზეზი გახდა ჯოტიას გამოსარჩლება პატარა ბიჭუნასადმი, რომელსაც დურუ სცემდა მის ნაკვეთის ღობეზე გადახტომისათვის. მილიციის რწმუნებული ხუტა ოქმს შეადგენს და რაიონში გადააგზავნის როგორც კრიმინალურ საქმეს. მის უფროსს  რომან თურქიას სასაცილოდ არ ყოფნის ეს ამბავი და არც ოქმზე აპირებს ხელის მოწერას. ის ხუტას დატუქსავს და აუხსნის, რომ შვიდკილოგრამიანი ქვის სროლა 22 მეტრზე ეს არის მსოფლიო რეკორდი ბირთვის კვრაში. გაწბილებული ხუტა გადაწყვეტს, რომ გამოიძიოს ყოველივე, გაზომოს ტყორცნის მანძილი და ქვის წონა და როდესაც დარწმუნდება ჯოტია ცაავას რეალობაში, გადწყვეტს, რომ მის უფროსობას რაიონში დაუმტკიცოს სიმართლე…. მაგრამ არის ერთი გარემოება: ჯოტია ცაავას მხოლოდ მაშინ შეუძლია ქვის ამხელა მანძილზე ტყორცნა, როდესაც მას აგინებენ. მიუხედავად წინასწარი შეთანხმებისა, ოფუცხოუში რაიონიდან მობრძანებული სტუმრების წინაშე დურუს შერცხვება ჯოტიაზე სახალხოდ შეგინება, რის გამოც ჯოტია ვერ ახერხებს რეკორდის განმეორებას ….