მაყვალა სამკერვალო სასწავლებლის შემდეგ კახეთში სოფელში ჩადის. სოფლის მოსახლეობას თავჯდომარე გასაქანს არ აძლევს და მუდამ შრომაში ამყოფებს. თუმცა სოფელს უსაქმური ახალგაზრდობაც საკმაოდ ყავს, რომელნიც მუშაობას, სოფლის ბირჟაზე დღედაღამ უსაქმოდ ყოფნას ამჯობინებენ. სოფლელები საკმარის დროს ნახულობენ მხიარულობისათვის, მათი მეტყველება იუმორისტული შეფერილობითა და კოლორიტული ლექსიკით გამოირჩევა. აქ ყველა სიყვარულზე ფიქრობს, ყველას ცოლის მოყვანა სურს. მათ შორისაა მძღოლი ბურნუტაც, რომელიც სიმორცხვის გამო სიყვარულში ვერა და ვერ გამოუტყდა სოფელში ჩამოსულ მკერავ მაყვალას. თუმცა სიმორცხვე სრულიად უცხოა მისი პატარა ძმისათვის გივიასათვის, რომელიც მუდამ დასაჭერად დასდევს თანატოლ გოგონას თინიას.