1896 – საქართველოში პირველად აჩვენეს ლუმიერების კადრები.
1904 – გაიხსნა პირველი კინოთეატრი ,,ილუზიონი“.
1908-1910 – ქართული კინოს პიონერები ვასილ ამაშუკელი და ალექსანდრე დიღმელოვი იღებდნენ პირველ ქართულ მოკლემეტრაჟიან კადრებს.
1912 – კინოოპერატორმა ვასილ ამაშუკელმა გადაიღო სრულმეტრაჟიანი დოკუმენტური ფილმი ,,აკაკი წერეთელის მოგზაურობა რაჭა-ლეჩხუმში“, რომლის ჩვენება შედგა ქუთაისის კინოდარბაზ ,,რადიუმში“. მან ეს ფილმი მიუძღვნა მწერალსა და საზოგადო მოღვაწეს. მსოფლიო კინოს ისტორიის ფრანგმა მკვლევარმა ჟორჟ სადულმა ამ ფაქტს ხაზი გაუსვა და აღნიშნა, რომ 1912 წლამდე არც ერთ ქვეყანაში არ მიუძღვნიათ სრულმეტრაჟიანი დოკუმენტური ფილმი არცერთი ცნობილი პიროვნებისთვის.
1916 – ეკრანებზე გამოვიდა პირველი ქართული მხატვრული ფილმი ქრისტინე-ს პირველი ნაწილი, ხოლო მეორე ნაწილი კი 1918 წელს.
1921 – განათლების სახალხო კომისარიატთან დაფუძნდა კინოსექცია.
1923 – კინოსექცია გადაკეთდა კინომრეწველობის სააქციო საზოგადოებად და ეწოდა სახკინმრეწვი.
1928 – სახკინმრეწვთან დაარსდა კინოქრონიკის სექტორი.
1932 – ეკრანებზე გამოვიდა პირველი ხმოვანი ქართული მხატვრული ფილმი ,,შაქირი“.
1935 – ეკრანებზე გამოვიდა პირველი ქართული ნახატი ფილმი ,,არგონავტები“.
1938 – სახკინმრეწვს ეწოდა თბილისის კინოსტუდია.
1939 – გამოვიდა პირველი ფერადი ნახატი ფილმი ,,ჩიორა“.
40 – იანი წლებიდან შემცირდა ქართული ფილმების წარმოება, რაც გამოიწვია მეორე მსოფლიო ომმა და ომის შემდგომმა კრიზისმა.
50 – იანი წლებიდან იწყება ქართული კინოს აღმავლობა. ფილმები პრიზებს ღებულობენ საერთაშორისო კინოფესტივალებზე.
1953 – თბილისის კინოსტუდიას ეწოდა ,,ქართული ფილმი’’.
1958 – კინოქრონიკის სექტორი გადაკეთდა დოკუმენტური და სამეცნიერო-პოპულარული ფილმების სტუდიად.
1968 – დაარსდა საქართველოს ტელეფილმების სტუდია, სადაც გადაღებულია მრავალი სატელევიზიო მხატვრული ფილმი. სატელევიზიო ფილმებს ასევე იღებდა სახტელეკინო და საქართველოს სახელმწიფო ტელევიზია. ბოლო წლებში კი კერძო ტელევიზიებიც
90 – იან წლებში სახელმწიფოს ფინანსურმა კრიზისმა შეწყვიტა ტრადიციული დაფინანსება, რომელმაც გამოიწვია ძველი სტრუქტურების დაშლა, ჩამოყალიბდა წვრილი ახალი კინოკომპანიები. ბოლო წლებში ასევე გამოვიდა ფილმები უცხოელ კინემატოგრაფისტებთან ერთობლივად. ქართველები წარმატებით მუშაობენ სხვადასხვა ქვეყნების კინოინდუსტრიაში.
ბოლო წლებში 35 მმ ფილმის წარმოება ნაწილობრივ შეცვალა ციფრულმა კამერებმა.