სლოვაკი მიშო ზვარა სკოლაში სიმღერას ასწავლის. მას სხვა მასწავლებლებთან ერად მოსდის ომში გასაწვევი უწყება. სლოვაკიის ხელისუფლება ჰიტლერთან ალიანსშია და გაწვეული მიშო ზვარას სხვა თანამებრძოლებთან ერთად გადაისვრიან კავკასიის მისადგომებთან საბრძოლველად. მათი მიზანია კავკასიაში შეღწევა. მიშო ზვარა და მისი მეგობრები გადადიან საბჭოთა მხარეს, მაგრამ მათ ტყვეების ბანაკში მოათავსებენ. მიშო გაიცნობს საბჭოთა ოფიცერს გურამს და მის დას, მედდას ელიკოს. მიშოს და ელიკოს ერთმანეთი შეუყვარდებათ, მაგრამ მათ ომი დააშორებს. გურამი და მიშო კვლავ შეხვდებიან ერთმანეთს სლოვაკიის მთებში, სადაც წითელარმიელები გერმანელის წინააღმდეგ კონტრშეტევაზე გადადიან. გურამი მიშოს თავს სიმღერით შეახსენებს. გურამი იღუპება სლოვაკიის ბრძოლებში, ხოლო მძიმედ დაჭრილ მიშოს სამკურნალოდ სოხუმში გადმოიყვანენ. დაჭრილი მეომრის სანახავად მისულ ელიკოს მიშო ერიდება, მაგრამ ელიკო მას თავად მონახავს. ომის დამთავრების შემდეგ შეყვარებული წყვილი სლოვაკეთში მიდიან საცხოვრებლად. მათი შვილი იგორი და მათთან სტუმრად ჩასული ქართველი ბებია, ათვალიერებენ მეორე მსოფლიო ომში გმირულად დაღუპულ მეომართა საფლავებს, რომელთა შორისაც განისვენებს ელიკოს ძმა გურამიც.