ფუქსავატი, მერყევი ხასიათის ნოდარი ცოლ-შვილს სოფელში მიატოვებს და ბედის საძებნელად ქუთაისში ჩავა. ნოდარს მისი მეგობარი გივი ოჯახში დაბრუნებას ურჩევს, მაგრამ მას ქალაქში ცხოვრება სურს და მუშაობას ავტოქარხნის კლუბში, მოცეკვავეთა წრის ხელმძღვანელად დაიწყებს. გივის თანაკლასელი გოგონას იას გარეგნობით მოხიბლული ნოდარი, ქალიშვილს სასწავლებელში ნასვამი მიაკითხავს და შეურაცხყოფას მიაყენებს. გივი, რომელიც იას სიყვარულს დიდი ხანია გულით ატარებს, ნოდარს გალახავს. შერცხვენილი ნოდარი ქალაქს ტოვებს.