დოკუმენტური ფილმი ქართველი მათემატიკოსისა და მექანიკოსის, საზოგადო და სახელმწიფო მოღვაწის, საქართველოს მეცნიერებათა აკადემიის აკადემიკოსის, მისი ერთ-ერთი დამფუძნებლისა და პირველი საპატიო პრეზიდენტის, მათემატიკისა და მექანიკის ქართული სამეცნიერო სკოლის ფუძემდებლის – ნიკოლოზ (ნიკო) ივანეს ძე მუსხელიშვილის ცხოვრებასა და მოღვაწეობაზე.
ნაჩვენებია აკადემიკოსი შინ და სამსახურში, ასევე მისი ინტერვიუ, სადაც ელასტიკურობის თეორიის პრაქტიკულ მნიშვნელობაზე საუბრობს (სინქრონი). ასევე საბჭოთა მეცნიერის, მათემატიკისა და მექანიკის დარგში, სოციალისტური რესპუბლიკების კავშირის მეცნიერებათა აკადემიის პრეზიდენტის მსტისლავ ვსევოლოდის ძე კელდიშის ინტერვიუ. (სინქრონი) საუბრობს მუსხელიშვილზე.