მდიდარ გლეხ დროიძეს ქვრივი ბაბალეს მიწის ხელში ჩაგდება უნდა და მის ახლადდაქორწინებულ ვაჟს სიმონას ჯარიდან დასახსნელი ყალბი საბუთის შედგენის ბრალდებით დააპატიმრებინებს. ოჯახის დანარჩენ წევრებსაც კი გააციმბირებინებს. უქმროდ დარჩენილ სიმონას ცოლს დარიკოს, დროიძეს შვილი ამფსონებთან ერთად მიუვარდება და გაუპატიურებას დაუპირებს. ქალს თავდამსხმელი შემოაკვდება და გაციმბირებას ელის. საპატიმროდან გამოპარული დარიკო ტყეში ფირალად გაიჭრება. გლეხებთან ერთად მებრძოლ რაზმს ჩამოაყალიბებს და კაზაკების თარეშისაგან იცავს მოსახლეობას. კატორღაში გადასახლებული სიმონას დედა და ძმა გზაში დაიღუპებიან. დარიკოს რაზმს საპატიმროდან გამოქცეული სიმონაც შეუერთდება…