“აღდგენა ისტორიისა, ერის გამოცოცხლებაა, გამხნევებაა, აწმყოს გაგება და წარმართვაა, მერმისის გამორკვევაა სიბნელისაგან….” (ილია). მთელი ცხოვრება ამ იდეას ემსახურა დიდი ქართველი მეცნიერი და მკვლევარი ივანე ჯავახიშვილი. ფილმი მოგვითხრობს იმ დიდი წვლილის შესახებ, რომელიც მან შეიტანა ქართული უნივერსიტეტის დაარსებაში, მეცნიერების განვითარებაში, ახალგაზრდების სწავლა-განათლებაში. გამოყენებულია ცოცხალი კადრები, სადაც იგი მიმართავს და მოძღვრავს ახალგაზრდობას. აგრეთვე კადრები, თუ როგორ მოგვითხრობენ დიდი მეცნიერები აკაკი შანიძე და სიმონ ყაუხჩიშვილი ივანე ჯავახიშვილის ღვაწლსა და დამსახურებაზე სამშობლოს წინაშე.