თუ სადმე შეიძლება შეიგრძნო შემოდგომა მთლიანად, ალბათ კახეთში, სადაც ცხოვრობენ გულგახსნილი და სტუმართმოყვარე კახელები. ფილმი მოგვითხრობს გარე კახეთის ისტორიული სოფლის – მანავის შემოდგომაზე, მის მცხოვრებლებზე – პოეტზე, მჭედელზე, მხატვარზე. სოფლის კოლორიტის – “ზარივაშას” მარანში გაშლილი სახელდახელო სუფრა და კახური იუმორი კიდევ ერთხელ შეგვახსენებს, რომ კახელები არასდროს კარგავენ კავშირს თავიანთ ფესვებთან.