მეორე მსოფლიო ომში მამის დაღუპვის შემდეგ გიგა ბეთანელს ახლობლები არავინ დარჩება და თვითონაც ფრონტზე გაემგზავრება, მაგრამ ფრონტის ნაცვლად დონბასის სამხედრო დანიშნულების ქარხანაში მოხვდება. გიგას შეყვარებული ნანა ფრონტზე გაგზავნილი წერილების პასუხებს, რომ ვერ მიიღებს, გიგას გარდაცვლილად ჩათვლის. წლების მერე გიგა სამშობლოში ბრუნდება და მეტალურგიულ ქარხანაში იწყებს მუშაობას. ინჟინერი ბეთანელი ახლადშეძენილი მეგობრის, თამაზის ოჯახში სტუმრობისას ნანას შეხვდება, რომელიც თამაზის მეუღლე გამხდარა. შეხვედრას ორივე მწვავედ განიცდის. საკუთარ თავთან ჭიდილის შემდეგ, გიგა რწმუნდება, რომ მეგობრის და საყვარელი ქალის ცხოვრების დანგრევის უფლება არ ააქვს.