მოძალადე ბატონის მკვლელობისათვის სოფლიდან გამოქცეული, ვაჟურად გადაცმული წყნეთელი გლეხის გოგო მაია გზად ტყვეებით მოვაჭრე თავადს გადაეყრება. უშიშრად შეუტევს, ტყვეებს გაანთავისუფლებს და მოღალატე თავადს მეფე ერეკლეს მიჰგვრის. მათე ბიჭად მონათლული მაია ყმების გაყიდვაში ამხელს თავადებს, რომლებიც შეთქმულებას მოაწყობენ და მათეს დილეგში გამოამწყვდევენ. მათეს ბერიკებად გადაცმული თავისი რაზმელები გაათავისუფლებენ და შემოსეული მტრის წინააღმდეგ მებრძოლ მეფის ჯარს შეუერთდებიან. მათე თავისი ქალობის საიდუმლოს უახლოეს მეგობარ ვაჟს მხოლოდ სიკვდილის წინ გაუმხელს.