მხატვარმა ირაკლი ფარჯიანმა დაგვიტოვა უნიკალური ტექნიკით შესრულებული მეტად შთამბეჭდავი ნაშრომი: მან საკუთარი ხელით გადაწერა მარკოზის სახარების კანონიკური ტექსტი, ყოველი ეპიზოდის მიხედვით შექმნა აბსოლუტურად ორიგინალური ილუსტრაციები, მხოლოდ მისთვის ცნობილი უცნაური ტექნოლოგიების გამოყენებით მისცა ნახატებსა და ფურცლებს სიძველის ელფერი და შეკრა ისინი ერთ წიგნად. ფილმი გადაღებულია ამ სახარების მიხედვით და საშუალებას გვაძლევს მივყვეთ უფლის მიწიერ ცხოვრებას მარკოზ მახარებლის ტექსტებისა და ირაკლი ფარჯიანის უდიდესი სულიერი მუხტით აღბეჭდილი ილუსტრაციების მიხედვით.