დათოს ინკასატორ იპოლიტეს ქალიშვილი უყვარს. იპოლიტეს მუდამდღე თავდამსხმელი ელანდება, გაუგებრობის გამო დათოსაც ავაზაკად მიიჩნევს და სადაც დაინახავს მის შეპყრობასა და მილიციისათვის ჩაბარებას ცდილობს. თუმცა დათოს მისი სიძეობა უფრო სწადია. იპოლიტეს წყალობით გაუგებრობაში არაერთგზის მოხვედრილი დათო და ეკა უკითხავად დაქორწინდებიან. დათოს ხილვა იპოლიტეს წყობიდან გამოიყვანს, მაგრამ მალე ყველაფერი გაირკვევა და ბედნიერი წყვილი საქორწინო მოგზაურობაში გაემგზავრება.