ფილმი წარმოადგენს ,,წითელი ეშმაკუნების“ გაგრძელებას და გადაღებულია უსცენაროდ. ცხენოსანი არმიის აღლუმზე წითელი ეშმაკუნები ბუდიონს ფქვილიან ტომარაში დატყვევებულ მახნოს მიუყვანენ. მახნო გაპარვას მოახერხებს, მაგრამ გლეხები კვლავ შეიპყრობენ. ანარქისტების ბანდა ხუტორ ,,სავურ მოგილაში“ პარპაშებს. მათთან შეპარულ, მახნოელებად გადაცმულ ეშმაკუნებს შეიპყრობენ, დუნიაშას ჩამოხრჩობას დაუპირებენ, მაგრამ ბუდიონელთა რაზმი ანარქისტებს თავს დაესხმება, დუნიაშას დაიხსნის და ბანდას გაფანტავს.