მშრომელი გლეხები სარდიონი და იაგორა მეგობრები არიან. იაგორამ და თანასოფლელებმა არ იციან, რომ სარდიონი უცხოეთის დაზვერვის აგენტია. სამოქალაქო ომის დროს საზღვარგარეთ გაქცეული იაგორას შვილი, ნოდარი უცხოეთის დაზვერვის დავალებას შეასრულებს და სარდიონის მეგზურობით სამშობლოში დივერსანტებს შემოაპარებს. მესაზღვრეებისაგან დევნილი ნოდარი თავს მამის სახლს შეაფარებს. იაგორა შვილის საქციელს დაგმობს და მის დაპატიმრებას ხელს შეუწყობს.