ფილმი წარმოადგენს ,,შირვანსკაიას დანაშაულის“ გაგრძელებას. საბჭოთა იმპერიაში ჩამოსული ცირკის მსახიობად გადაცმული ინჟინერი მაკლინი, თავადის ქალი შირვანსკაია და მისი საყვარელი რუმანესკუ ქვეყნის წინააღმდეგ შენიღბულად მოქმედებენ. ნავთობის სარეწაოში მუშად მოწყობილი რუმანესკუ ქიმიკოს პეტროვს სამხედრო გამოგონების ნახაზებს მოპარავს. ზანგი თომ ჯექსონი გამოარკვევს, რომ ცირკის მასხიობი და დივერსანტი მუშა ჯონი ერთი და იგივე პიროვნებაა. ,,წითელი ეშმაკუნები“ და მილიციის მუშაკები დივერსანტებს გამოედევნებიან. მათ უცხოეთში გაპარვა განუზრახავთ, მაგრამ თურქეთის საზღვართან ზვავში დაიღუპებიან.