ფილმი გადაღებულია „საყოფაცხოვრებო ტექნიკის გაერთიანების“ („სოიუზხოზტექნიკის“) დაკვეთით და მოგვითხრობს საქართველოს მაღალმთიან ადგილებში სასოფლო-სამეურნეო კულტურების ხვნა-თესვასა და კულტივაციაზე. ამ ფერდობების რაციონალური ათვისებისა და უხვი მოსავლისათვის, იქნება ეს: ხორბალი, ხორცი, მატყლი, ციტრუსი თუ სხვა. შეიქმნა მანქანების კომპლექტური მექანიზაციისა და ელექტროფიკაციის სისტემა, მთის ფერდობებზე შეჰყავთ ახალი საბჭოთა წარმოების ტექნიკა (ტრაქტორები, კომბაინები , ჩაის საკრეფი მანქანები, სათიბი მექანიზმები). ასევე ჩაისა და სუბტროპიკული კულტურების საკავშირო სამეცნიერო-კვლევითი ინსტიტუტის მიერ შემუშავებული მარტივად და ბალანსირებულად გადაადგილებადი საბაგირო მოწყობილობა. ფილმში ნაჩვენებია, თუ როგორ უმსუბუქებს ამ ტექნიკის გამოყენება მიწადმოქმედს მძიმე შრომას და საგრძნობლად ზოგავს დროსა და რესურსს.