მრავალსართულიანი სახლის კედლებზე, საჰაერო გალიაში გამოკიდებულ მღებავებს, ლექსოს და ნოდარს სახლის ბინადრის ქალიშვილი ნინა შეუყვარდებათ. მეტოქის ჩამოსაშორებლად ლექსო ნოდარს საფრენოსნო კურსებზე სასწავლებლად გასაგზავნ რეკომენდაციას გაუწევს, მაგრამ არ იცის, რომ ნინა სწორედ ამ კურსების ინსტრუქტორია. ქალიშვილის მოსახიბლავად კი ლექსო თავს გამოცდილ მფრინავად გაასაღებს. ერთხელ სახიფათო ტრიუკების გამოყენებით მას მართლაც მოუწევს დაზიანებული თვითმფრინავის მგზავრის გადარჩენა. იგი პროფესიონალ მფრინავად გახდომას გადაწყვეტს.