ფაბრიკის მეპატრონესთან კონფლიქტის გამო თადე და გიჟუა იძულებულნი გახდებიან ქალაქი დატოვონ და სოფელს დაუბრუნდნენ. გიჟუას თადეს და – ტასია შეუყვარდება, მაგრამ თავად როსტომის ბრძანებით, ქორწილის წინა დღეს საპატარძლოს თავადის სახლში წაიყვანენ. მეგობრები ქალს გაანთავისუფლებენ და გლეხობაში მჩაგვრელი თავადის საწინააღმდეგო პროპაგანდას წამოიწყებენ. გლეხები თავად როსტომს მოკლავენ. პოლიციისაგან დევნილი თადე და გიჟუა ქალაქს დაუბრუნდნენ და რევოლუციურ საქმიანობას განაგრძობენ. მოქანდაკე კრილოვა, რომლის ბინაზეც არალეგალურ კრებას ატარებენ, რევოლუციონერებს გასცემს და მათ დააპატიმრებენ.