კახაბერმა სასოფლო სამეურნეო-ინსტიტუტის დამთავრების შემდეგ გადაწყვიტა ვეტერინარობა და სოფლად წასვლა. თუმცა მის განხორციელებაში ხელი შეუშალა შემთხვევითმა ნაცნობობამ ესტრადის მომღერალ ნელი ჯანდიერთან. მასზედ უიმედოდ შეყვარებული კახაბერი, სოფლის ნაცვლად მოეწყობა კვარტეტის ადმინისტრატორად ფილარმონიაში, სადაც მღერის ნელი ჯანდიერი და მისი დები. მას წილად ერგო მომღერლის ნივთების თრევა ზამთრის კურორტზე, სადაც კვარტეტი გასტროლებს ატარებს. სიყვარულის ნაცვლად ჯანდიერისგან ხშირად დაცინვის ობიექტი ხდება. კვარტეტის წევრებთან ერთად მატარებელით ასევე მიემგზავრება ფეიქარი გოგონა ციცინო, რომელმაც მონაწილეობა უნდა მიიღოს სათხილამურო შეჯიბრში. სასტუმროშიც ერთად მოხვდებიან. ის აკვირდება კახაბერის ქცევებს, დარწმუნდა რა მის სიკეთეში ურჩევს, რომ შეუფერებელ საქმეს თავი მიანებოს. თანდათან იკვეთება კახაბერის და ციცინოს დაახლოება. როდესაც ციცინო ახლოსაა შეჯიბრში ფინიშთან მას ხელს შეუშლის კახაბერი, ის მას შეეჯახება და შეჯიბრიდან ამოაგდებს. ციცინო არ გაუბრაზდება, ხოლო ამჯერად მასზე შეყვარებული კახაბერი გადასცემს ციცინოს საოცნებო ყვავილს, რომელიც თოვლზე ამოდის მაღალ მიუვალ მთაზე. ციცინოს თქმით ამ ყვავილს ბედნიერება მოაქვს …