დევნილი სოციალისტის ნაცვლად მეფის ჯარისკაცები წისქვილში უსაქმურ ნაცარქექიას – ყვარყვარეს შეიპყრობენ. ყვარყვარეს თავის მართლება ვერ უშველის. პროკლამაციების გავრცელებისათვის და მეფის წინააღმდეგ აჯანყების ხელმძღვანელობას დასწამებენ. ცნობა მეფის გადადგომის შესახებ ყველაფერს თავდაყირა დააყენებს. ყვარყვარე რევოლუციის გმირად იქცევა, ისიც მდგომარეობას შეიფერებს. ქალაქის მესვეურებს ახალი დემოკრატიული სახელმწიფოს აშენებას დაპირდება. მოწინაარმდეგეებს და დროებით გაურკვევლობით დაბნეულ ადამიანებს ციხეში შეყრის. თვითმარქვია მედროვის ვინაობა მალე გაირკვევა. ქალის კაბაში გადაცმული ყვარყვარე გაქცევით უშველის თავს.