თბილისური ეზოს ბინადარი ახალგაზრდების ერთი ჯგუფი სკოლას ამთავრებს. შალვა და დათო ქარხანაში დაიწყებენ მუშაობას. ახტაჯანა ციცინო კი ინსტიტუტში განაგრძობს სწავლას. მხოლოდ ვაჟა ზარმაცობს და დღეებს დროსტარებაში ფლანგავს, მოსვენებას არ აძლევს ციცინოს, რომელიც დიდი ხანია დათოსაც უყვარს, მაგრამ ქალიშვილისათვის გრძნობის გამხელა ვერ გაუბედავს. გადის დრო, დათო და ციცინო ერთმანეთს სიყვარულში გამოუტყდებიან. მამის სიკვდილის შემდეგ ვაჟა ფუქსავატობას თავს დაანებებს და სამუშაოდ ისიც ქარხანას მიაკითხავს… ეზოში სადაც ვაჟა, შალვა და ციცინო თამაშობდნენ, ახალი თაობა იზრდება.