ახალგაზრდა გეოლოგთა ჯგუფი, კავკასიონზე ცანის ხეობაში, მადნის შრის სიმძლავრის დასადგენად ექსპედიციაში გაემგზავრება, მაგრამ მარშრუტის სირთულის გამო დასაზვერ სამუშაოებს ვერ დაასრულებს. გამოცდილ მთამსვლელ-ინჟინერთა ხელმძღვანელობით ლაშქრობას ხელმეორედ მოაწყობენ. მწვერვალზე ასულთ ქარიშხალი მოუსწრებთ, საფრთხეში ჩავარდნილ გეოლოგთა დასახმარებლად მაშველთა რაზმი გაემართება. მათი დახმარებით გეოლოგები ქარიშხალს თავს დააღწევენ და ჩანაფიქრს წარმატებით განახორციელებენ.