მეზობლები ამირანი და გრამიტონი ფრონტის დასახმარებლად გამართულ შეჯიბრში ერთმანეთს ეცილებიან. მათ შვილებს ერთმანეთი ბავშვობიდან უყვართ. ამირანი ფრონტიდან მოსულ დეპეშას არასწორად ამოიკითხავს და გრამიტონის ვაჟს, თენგიზს დაღუპულად ჩათვლის. მომხდარს ძლიერ განიცდის, ცდილობს გრამიტონს უბედურება დაუმალოს, თუმცა ტრაგი-კომიკურ დაძაბულობას თვითონვე შექმნის. გაუგებრობა მალე გაირკვევა და კეთილი მეზობლები გაიხარებენ.