ერთ სოფელში ორი მარინე ფერაძე ცხოვრობს. ერთ მარინეს უდარდელი ხასიათის გამო ,,ჭრიჭინა“ შეარქვეს, რომელიც უმაღლესის მისაღებ გამოცდაზე ჩაჭრას დიდად არ ნაღვლობს, რადგან სოფლის არქიტექტორმა შოთამ, რომელიც დანახვისთანავე შეუყვარდა, ცოლობა შესთავაზა. გამოცდიდან დაბრუნებულ მარინეს ახლობლები მთავრობის ჯილდოს ულოცავენ, რის შესახებაც რადიოთი შეუტყვიათ. ჭრიჭინა ცდილობს აუხსნას, რომ თანასოფლელ მეჩაიე მარინე ფერაძეში ეშლებათ, მაგრამ არავინ უსმენს. იგი ბებიის გარდაცვალებას მოიმიზეზებს და სოფელში გაიპარება. სამძიმარზე ჩასული შოთა და ნათესავები ჭრიჭინას ტყულით აღშფოთდებიან. ქალიშვილი თავისი საქციელის გამოსწორებას გადაწყვეტს და ცნობილი მეფრინველე გახდება. შოთა ჭრიჭინას დაუბრუნდება და ცოლობას კვლავ შესთავაზებს.