XXI საუკუნის დასაწყისის ქუთაისი: ღვთის ანაბრად მიტოვებული ქალაქი, სულიერად გაბზარული და ქაოსში ჩაძირული მოქალაქეები – იოტისოდენა იმედით და ჯერ კიდევ შერჩენილი იუმორით. შექსპირის იერცვლილი პერსონაჟები: ძლევამოსილი სარდალი ოტელო. ფოტოგრაფი და მოყვარული ვიდეოოპერატორი ოტია: წარჩინებული ვენეციელი არისტოკრატის ასული დეზდემონა – პარიკმახერი დეზი. მხედარი და ოფიცერი იაგო – დამკრძალავი ბიუროს ,,დედის ცრემლების“ მეპატრონე იასე. ,,ოტელოსეული“ დრამა კი მეორდება ოღონდ განსხვავებული ფინალით.