დაბადების თარიღი: 10 აპრილი, 1958 (67 წლის)

დაამთავრა საქართველოს პოლიტექნიკური ინსტიტუტის კინოფოტოხელოვნების ფაკულტეტი დოკუმენტური და ტექნიკური ფილმების ავტორ-ოპერატორის სპეციალობით 1985 წელს და ავტომატიკა-ტელემექანიკის ფაკულტეტი 1989 წელს.

1981 წელს მუშაობა დაიწყო ქდსპფ (ქართული დოკუმენტური სამეცნიერო-პოპულარული ფილმი) სტუდიაში ოპერატორის ასისტენტად, როგორც ოპერატორმა გადაიღო ფილმები: “კეთილი მომსახურება” (ს. სტახოვი, 1986), “ავაშენებდი ოცბების ქალაქს” (ლ. შონია, 1986), “ცელქი ბიჭი” (ს. სტახოვი, 1987), “რკინა” (ი. ტრიპოლსკი, 1988), “სენი” (ვ. ზუბიაშვილი, 1988), “ვაშლოვანის ნაკრძალი” (ი. ედიშერაშვილი, 1989), “მითი და სინამდვილე” (ს. სტახოვი, 1989), “საგამომძიებლო კომისიის მასალებიდან” (ლ. შონისა, ნ. ყიფიანი, 1989), “რებუსი” (ს. სტახოვი, 1990), “საქართველოს უკანასკნელი ომი” (ა. ჭიაურელი, 1990), “გარეჯის უდაბნო” (ი. ტრიპოლსკი, 1990), “გალობანი სინანულისანი” (ლ. შონია, 1991), “დედა ღვთისმშობელი” (გ. როგავასთან და დ. ასათიანთან ერთად/მ. გაგუა, 2005), “ალავერდობა” (ზ. ინაშვილი, 2008) და სხვ. 1999-2004 წწ. ტელეკომპანის “მე-9 არხის” მთავარი ტელე-ოპერატორი. კინოოპერატორი.

წყარო: ალექსანდრე ყველაშვილი – ბიოგრაფიული ლექსიკონი