ოფიციალური სახელი: სილოვან სულამანიძე
დაბადების თარიღი: 15 დეკემბერი, 1955 (67 წლის)

დაბადების ადგილი: ქ. ტყიბული.

დაამთავრა კინემატოგრაფიის უმაღლესი სახელმწიფო ინსტიტუტის (ვგიკ-ის) საოპერატორო ფაკულტეტი 1994 წელს.

1978-1981წწ. მუშაობდა მოსკოვის ცენტრალური ტელევიზიის კორესპოდენტად სტავროპოლის მხარეში, ოპერატორის ასისტენტად და მეორე ოპერატორად “მოსფილმში”, გორკის სახელობის სტუდიასა და “ლენფილმში”, 1984 წლიდან “ქართულ ფილმში”. გადაიღო მხატვრული ფილმები: “პოლიგრამი” (თ. კულიანი, 1993), “რა გაცინებს?!” (თ. ბუტიკაშვილი, 1995), “ჩამოფასებულები” (თ. ბუტიკაშვილი, 2007), “ჯართოსანი” (ნ. გიუნშვილი, 2008), დოკუმენტური ფილმები: “ნანა ბოტკოველი” (მ. მაისურაძესთან ერთად / თ. მოდებაძე, 1990), “საგანთა თამაში” (გ. სულაძე, 1990), “თამადა ანუ სამყარო სუფრის გარშემო” (კ. ცხაკაია, 1995). 1994 წლიდან საქართველოს ტექნიკურ უნივერსიტეტში და ჰუმანიტარულ-ტექნიკურ უნივერსიტეტში კითხულობს ლექციების კურსს ფოტოგრაფიასა და საოპერატორო ხელოვნებაში. ხელოვნების მაგისტრი (1994). საქართველოს ტექნიკური უნივერსიტეტის ასოცირებული პროფესორი, კინოოპერატორი.

წყარო: ბაჩი სულამანიძე – ბიოგრაფიული ლექსიკონი (nplg.gov.ge)