ოფიციალური სახელი: გიორგი მენაბდე
დაბადების თარიღი: 5 ნოემბერი, 1959 (65 წლის)

დაბადების ადგილი: ქ. თბილისი.

1978- 1980 წწ. მუშაობდა საქართველოს ტელევიზიისა და რადიომაუწყებლობის ტელერადიოცენტრის სინათლის ტექნიკოსად; 1980-1983 წწ. კინოგადამღები აპარატურის სუპერტექნიკოსად; 1983 წლიდან საქართველოს სატელევიზიო ფილმების სტუდიის კინოოპერატორის ასისტენტად არაერთ მხატვრულ და დოკუმენტურ ფილმზე, მათ შორის: “ათოვდა ზამთრის ბაღებს” (1984), “შვიდკაცა” (1984-1991), “თიხით მოუბარი” და სხვა. 1991 წლიდან როგორც დამდგმელ ოპერატორს გადაღებული აქვს ფილმები: “ერთი ბედის ანოტაცია” (1991), “საქართველოს ქრონიკები” (1992), “მერაბ კოსტავა”; მონაწილეობდა ტელეფილმების სტუდიის საფონდო განყოფილების მიერ მომზადებული არაერთ სიუეტისა და კინოპორტრეტის შექმნაში; 1992-1993 წწ. მოღვაწეობდა ტელეკომპანია “ტაო”-ს კინოოპერატორად; 1993-2001 წწ. შპს “აიეტი”-ს ტექნიკოს-ოპერატორად; 2001-2014 წწ. ტელეკომპანია “იმედი”-ს ინჟინერ-ტექნიკოსად; 2014 წლიდან პუბლიცისტურ კინოპროექტ “საქართველო საზღვაო ქვეყანაა”-ს თანაავტორი და საპროდიუსერო ჯგუფ “TRAVERSE”-ს დამდგმელი ოპერატორი და მონტაჟის რეჟისორი ფილმებზე: “ფრაგმენტები კაპიტნის ცხოვრებიდან” (2016), “კაპიტანი ლევანი – სრული სვლით” (2017), “მთელი არსებით ზღვისკენ” (2018), “ბალადა კაპიტანზე” (2019), “უფლის რწმენით და შეწევნით” (2019), “მისი ცხოვრების გზა” (2020). კინო-ტელეოპერატორი.

წყარო: გია მენაბდე – ბიოგრაფიული ლექსიკონი