დაბადების თარიღი: 12 ოქტომბერი, 1974 (50 წლის)
დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი 1996 წელს; შოთა რუსთაველის სახელობის თეატრისა და კინოს უნივერსიტეტის კინო–ტელე რეჟისურის ფაკულტეტი (რეზო ჩხეიძის და დავით ნაცვლიშვილის სახელოსნო) 2005 წელს.
2000 წელს დაარსა ბენდი სახელად “ვინდი”, რომლის სიმღერაც “ლამაზი დღე” 2001 წლის საუკეთესო სიმღერა გახდა; ავტორი გ. აგლაძე; ამჟამად ბენდი მოღვაწეობს სახელით “Killer Band”; დიდი გამოცდილება აქვს, როგორც სარეკლამო ასევე მუსიკალური კლიპების შექმნაშიც; მან თავისი კარიერის განმავლობაში თითქმის 100 ვიდეოზე იმუშავა; ის არის კინოკომპანია Grusin Production და AG Production დამფუძნებელი; 2017 წელს გახდა ცნობილი ამერიკელი კინორეჟისორის დევიდ ლინჩის ადგილობრივი პარტნიორი; მათ დააარსეს დევიდ ლინჩის ფონდი კავკასია (DLFC) საქართველოში, რეჟისორის საერთაშორისო ორგანიზაციის ფილიალი, რომელიც ხელს უწყობს კინემატოგრაფიული ინსტიტუტისა და კინოპროექტების გაძლიერებას საქართველოსა და ჰოლივუდს შორის. გიგა აგლაძეს ფილმოგრაფიაში შედის რამდენიმე ცნობილი დოკუმენტური ფილმი; “ალანი” (2016) ლეგენდარულ ალან რიკმანის შესახებ; “ჰენესი, რვა თაობა” (2016); მან დათო ტურაშვილთან ერთად გადაიღო ტრილოგიური დოკუმენტური ფილმი პარიზში მცხოვრები ცნობილი ქართველი მხატვარ ემიგრანტების შესახებ; ასევე გიგამ იმუშავა ორ მოკლემეტრაჟიან ფილმზე “რკინის ფარდა” (2013) და “ჰენრი” (2016); 2019 წელს მან გადაიღო სრულმეტრაჟიანი მხატვრული ფილმი “სხვა მე”, რომლის აღმასრულებელი პროდიუსერი დევიდ ლინჩია, მთავარ როლებს კი ასრულებენ ჯიმ სტარჯესი და ანდრეა პეჟიკი. პრემიერეა შედგა 2022 წლის თებერვალს ამერიკის შეერთებულ შტატებში, ხოლო 17 თებერვალს საქართველოში; 2020 წელს გადაიღო მოკლემეტრაჟიანი მხატვრული ფილმი “მაისის 47-ე დღე”. ამჟამად მუშაობს სხვა პროეტქებზეც.