დაბადების თარიღი: 9 თებერვალი, 1890
გარდაცვ. თარიღი: 11 დეკემბერი, 1967 (77 წლის ასაკში)

1908 წელს, კინოში მოღვაწეობა თბილისის კინოთეატრში კინომექანიკოსობით დაიწყო. 1910-1912წწ. მუშაობდა სოფიო ივანიცკაიას ლაბორატორიასა და გამქირავებელ კანტორაში ლაბორანტის თანაშემწედ და მექანიკოსად, 1912-1916წწ. მოსკოვში, ა. დრანკოვის კინოფაბრიკის ლაბორანტად, 1924-1925წწ. საქართველოს “სახკონმრეწვის” ლაბორატორიაში ლაბორანტად, შემდეგ წლებში ქრონიკალურ-დოკუმენტური და მხატვრული ფილმების ოპერატორად. გადაიღო რამდენიმე ეპიზოდი ფილმისა “კავკასიის დამორჩილება” (ლ. ჩერნი, 1913). დამდგმელი ოპერატორია ფილმებისა “გოგი რატიანი” (ს. ზაბოზლაევთან ერთად / კ. მარჯანიშვილთან, 1927), “ელისო” (ნ. შენგელაია, 1928), “უგუბზიარა” (ა. დიღმელოვთან ერთად /დ. რონდელი, 1930), “განწირულნი” (ლ. პუში, 1930), “ჰასანი” (ნ. ბაშთან ერთად /კ. მიქაბერიძე, 1932), “მდინარის გაღმა” (ზ. ბერიშვილი, 1935). მუშაობდა დოკუმენტურ კინოში. კინოოპერატორი.

წყარო: ვლადიმერ კერესელიძე – ბიოგრაფიული ლექსიკონი (nplg.gov.ge)