დაბადების თარიღი: 25 თებერვალი, 1910
გარდაცვ. თარიღი: 28 ოქტომბერი, 1975 (65 წლის ასაკში)

დაბადების ადგილი: ქ. თბილისი.

1927 წლიდან მუშაობდა კინომექანიკოსად, ოპერატორის ასისტენტად, მეორე ოპერატორად. 1937 წლიდან დამოუკიდებლად იღებდა დოკუმენტურ და სამეცნიერო–პოპულარულ ფილმებს: “ალექსი სტახანოვი საქართველოში”(1939), “აყვავებული აფხაზეთი”(1941), “კავკასიის დასაცავად”(1942), “ფეხბურთი თეირანში”(1944), “მცხეთის სიძველენი”(1946), “ვლადიმერ მაიაკოვსკი საქართველოში”(1953), “ურღვევი მეგობრობა”(1956), “მზიური აჭარა”(1955), “ღირსეული ცვლა”(1960), “ჩვენ ვიცავთ კავკასიას”(1963), “მემკვიდრენი”(1968) და სხვ. მიღებული აქვს სახელმწიფო ჯილდოები. კინორეჟისორი.

წყარო: ლევან არზუმანოვი – ბიოგრაფიული ლექსიკონი