დაბადების თარიღი: 18 ივნისი, 1938
გარდაცვ. თარიღი: 30 ოქტომბერი, 2022 (84 წლის ასაკში)

დაამთავრა მოსკოვის საკავშირო სახელმწიფო კინემატოგრაფიის ინსტიტუტის საოპერატორო ფაკულტეტი (ვგიკ)(ა. გალპერინის სახელოსნო) 1966 წელს.

მუშაობდა კუიბიშევის (რუსეთი) კინოსტუდიაში დიდი ელექტროსადგურის მშენებლობისადმი მიძღვნილ დოკუმენტურ ფილმზე. 1961-1969წწ. გადაიღო ეგვიპტეში, ასუანის კაშხლის მშენებლობის მატიანე. 1969 წლიდან საქართველოს ქდსპფ სტუდიის წამყვანი კინოოპერატორია. გადაიღო 100-ზე მეტი ფილმი. მათ შორისაა: “გადასარბენზე” (ო. გვასალია, 1970), “ნატანები” (შ. ხომერიკი, 1970), “ქართული ქორწილი” (შ. შონია, 1970); “თბილისური აივნების შემოდგომა” (ს. სტახოვი, 1971), “ქართული მინიატურა” (გ. შენგელაია, 1971), “ძველი ლითონის ახალი სიცოცხლე” (ნ. ჟუჟუნაძე, 1973), “მთაში დაბადებული ხელოვნება” (ვ. ვალიშვილი, 1974), “დიალოგები” (ო. გვასალია, 1976), “ზაარბრუკენის ქრონიკები” (გ. ჭუბაბრია, 1974), “როცა ქვა ცოცხლდება”, “თბილისური საღამო” (ორივე დ. ადამია, 1974), “რეპორტაჟი ნიდერლანდებიდან” (გ. ჭუბაბრია, 1976), “საქართველოს სამხედრო გზა” (ჯ. გურგენიძე, 1976), “ალქიმიკოსები” (კ. კერესელიძე, 1980), “თასი-1980” (თ. ნოზაძე, 1980), “ფოლადი და ზღვა” (ჯ. გურგენიძე, 1981) და სხვ. ბრიტანეთის ტელევიზიის IV არხითვის გადაიღო ორი ფილმი თბილისის ომზე “ქართული კოშმარი” და “რღვევა” (ჯილ ბატნერი, 1991); როგორც ავტორმა-ოპერატორმა – “სამი კონტინენტის გზაგასაყარზე” (1980), “ადამიანი ინფორმაციის ნაკადში” (გ. ჟვანიას იდეის საფუძველზე, 1982), “გვინეა-ბისაუ დღეს” (1979). მოსკოვში იმუშავა მასშტაბურ სპორტულ ფილმებზე: “ბალადა სპორტზე” (ი. ოზეროვი, 1979), “ო. სპორტო, შენ მშვიდობა ხარ!” (მ. რიჩაკოვი, 1981). აწარმოებდა კინოგადაღებებს შეიარაღებული კონფლიქტების დროს აფხაზეთსა და სამაჩაბლოში. კინოოპერატორი.

წყარო: ნოდარ ფალიაშვილი – ბიოგრაფიული ლექსიკონი