დაბადების თარიღი: 21 მაისი, 1940
გარდაცვ. თარიღი: 2012 (71 წლის ასაკში)

დაბადების ადგილი: ქ. თბილისი.

1958-1960წწ. მუშაობდა საქართველოს სამეცნიერო-პოპულარული და დოკუმენტური ფილმების სტუდიაში სინათლის ტექნიკოსად; 1961 წელს ტროლეიბუსების სამმართველოში ამწყობ ზეინკლად; რუსთაველის სახელობის თეატრში კონტროლიორად; კონიაკის ქარხანაში მუშად; 1962-1964წწ. საქართველოს სამეცნიერო-პოპულარული და დოკუმენტური ფილმების სტუდიაში სინათლის ტექნიკოსად; 1964-1968წწ. კინოოპერატორის ასისტენტად; 1968 წლიდან კომპანია “ქართულ ტელეფილმში” ჯერ კინოოპერატორის ასისტენტად, 1970 წლიდან კინოოპერატორად. დამდგმელი ოპერატორია ფილმების: “უსასრულობა” (1971), “სიყვარული, ივერია და…(1975), “ფანჯარა” (დოკუმენტური, 1980), “ათოვდა ზამთრის ბაღებს” (1984), “განაპირა სახლი” (1991), “მოქცევაი ქართლისაი” (დოკუმენტური, 1991), “მოცარტი და…” (დოკუმენტური, 1999), “ათონის ქართველთა სავანე” (დოკუმენტური, 2000) და სხვ.

წყარო: ტრისტან კანდელაკი – ბიოგრაფიული ლექსიკონი (nplg.gov.ge)