ვახტანგს შემოქმედებითი მუშაობისათვის თავი მიუნებებია. ოჯახის კეთილდღეობისათვის ზრუნვა აიძულებს ხელოვნება სარფიან საქმეს ანაცვალოს და ნიჭი ყვავილების უგემოვნო ასლების ხატვას შეალიოს. ვახტანგის მეუღლე, ეკა ქმრის მივლინებაში ყოფნით ისარგებლებს, კეთმოწყობილ ბინას სასწრაფოდ ორთაჭალის კოლორიტულ უბანში, ძველ ბინაზე გადაცვლის და დაბრუნებულ მეუღლეს შემოქმედებითი საქმიანობისათვის იდეალურ პირობებს დაახვედრებს. მომხდარით გაოგნებული ვახტანგი აღიარებს, რომ სამუშაოდ ხელს აღარაფერი უშლის. მალე იგი ცნობილ ხელოვანთა წინაშე წარსდგება, როგორც ნიჭიერი შემოქმედი, რაშიც მნიშვნელოვანი წვლილი ეკას მიუძღვის.