დაბადების თარიღი: 17 მაისი, 1906
გარდაცვ. თარიღი: 15 ნოემბერი, 1976 (70 წლის ასაკში)

დაბადების ადგილი: ქ. ქუთაისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1931 წელს (საკომპოზიციო).

1932 წლიდან იყო საქართველოს რადიოს კომიტეტის მუსიკალური განყოფილების უფროსი; 1972 წლიდან საქართველოს ტელევიზიისა და რადიომაუწყებლობის სახელმწიფო კომიტეტის მუსიკალური კონსულტანტი; 1948-1973წწ. საქართველოს მუსიკალური ფონდის გამგეობის თავმჯდომარე; მისი თხზულებებია: საბავშვო ოპერა “დაუპატიჟებელი სტუმრები” (1949, პრემიერა II რედაქცია), ახალი რედაქციით “ყვავილთა სამყაროში” (1969, თბილისი, ლიბრეტო ლ. ესაკია, დ. გაჩეჩილაძე, ქორეოგრაფი ვ. ჭაბუკიანი), ჰეროიკულ–დრამატული ოპერა “არსენა” (1958, პრემიერა, ლიბრეტო დ. გაჩეჩილაძე, ს. ზაქარიაძე), საბავშვო ოპერა–ზღაპარი “სამი მჭედელი” (1967, საკონცერტო შესრულება თბილისის სახელმწიფო კონსერვატორიაში 1970, 3 მოქმედაბა საკუთარ ლიბრეტოზე), სიმფონია B–dur (1947), საორკესტრო სიუიტა “საბავშვო”, რომანსები: “მძინარე ქალი”, “გახსოვს ტურფავ” (ტექსტი ი. ჭავჭავაძე), “ყაყაჩოები იშლებიან”, “ვარდისფერი ატმები” (ტექსტი გ. ტაბიძე), ვოკალური ციკლი “დაჭრილი მეომრის სიმღერა” (1948, დ. გაჩეჩილაძე), საესტრადო სიმღერები, მუსიკა კინოფილმებისა (1975, “მოლანდება”, რეჟისორი შ. მარტაშვილი) და ანიმაციური ფილმებისთვის (20–ზე მეტი). მიღებული აქვს სახელმწიფო ჯილდოები.

წყარო: ალექსანდრე ბუკია – ბიოგრაფიული ლექსიკონი (nplg.gov.ge)