ხევსურეთში ფილმს იღებენ. მთიელთა ჩვევებს უკეთ, რომ ეზიაროს, მთავარი როლის შემსრულებელი ესტრადის პოპულარული მომღერალი ლალი მინდელი სოფელში ხევსურულად გადაცმული, ცხენზე ამხედრებული დადის. ის შემთხვევით ინჟინერ ვახტანგის შეეჩეხება და თავს ხევსურ მზევინარად გააცნობს. როლში შესული ვახტანგს დაარწმუნებს, რომ ის ლალი მინდელის ტყუპი დაა… მზევინარით მოხიბლული ვახტანგი მზად არის მისი გულისათვის ხევსურეთში გადასახლდეს. ლალი მიხვდება, რომ ორმაგ თამაშში შეტოპა, მას თავის კონცერტზე დაპატიჟებს და სცენაზე მზევინარად გადაცმული გამოვა. ვახტანგი მიხვდება, რომ მომღერალი მინდელი შეყვარებია და თავის გულუბრიყველობაზე გაეცინება.