ფშაველი ჩონთა თანასოფლელ ბახას საცოლეს წაართმევს. ბახა შერცხვენას ვერ მოინელებს და შურის საძიებლად დახმარებას ქისტებს სთხოვს. ურჯულოებთან კავშირისა და მოძმეთა ღალატისათვის თემი ბახას მოკვეთას გადაწყვეტს. ბახას დაცვას ჩონთა შეეცდება – ხევისბერს მისთვის შენდობას გამოსთხოვს, მაგრამ ბახა ქომაგობას იუკადრისებს, მეტოქეს მოკლავს და ქისტებში გადაიხვეწება. სათარეშოდ გამოსულ ფშაველებს თავს ქისტები დაესხმევიან. ხელჩართულ ბრძოლაში ბახა მიხვდება, რომ მისი ადგილი მოძმეთა გვერდითაა. ფშაველთა მხარეს გადავა და მათ გვერდით დაიღუპება.