დაბადების თარიღი: 8 ნოემბერი, 1918
გარდაცვ. თარიღი: 8 მაისი, 2000 (81 წლის ასაკში)

სწავლობდა თბილისის სახელმწიფო კონსერვატორიაში; 1938 წელს დაამთავრა “სახკინმრეწვთან” არსებული კინოსკოლა.

1949 წლიდან კოტე მარჯანიშვილის სახელობის სახელმწიფო დრამატული თეატრის მსახიობი; 1955 წლიდან კინოსტუდია “ქართული ფილმის” მსახიობი. 1934 წლიდან იღებენ კინოში. შესრულებული აქვს როლები: მარო (“უკანასკნელი მასკარადი”, 1934), პეპელა (“დაკარგული სამოთხე”, 1937) ნანი (“კოლხეთის ჩირაღდნები”, 1941), მაგდანა (“მაგდანას ლურჯა”, 1955), თამარი (“ჩვენი ეზო”, 1956), თამარი (“განაჩენი”, 1959), კესარია (“უდიპლომო სასიძო”, 1961), ეკა (“პალიასტომი”, 1963), კაკანო (“მე ვხედავ მზეს”, 1965), ბარბალე (“ტარიელ გოლუა”, 1968), ივლიტა (“სემირამიდას ბაღები”, 1970), დომნა (“ჩარი-რამა”, 1972), ასპიროზი (“ყვარყვარე”, 1978), ეფროსინე (“გამოაღეთ ფანჯრები”, 1981), მართა (“კუკარაჩა”, 1982) და სხვ. განსაკუთრებით აღსანიშნავია მაგდანას როლი ფილმში “მაგდანას ლურჯა”.

წყარო: დუდუხანა წეროძე – ბიოგრაფიული ლექსიკონი (nplg.gov.ge)