დაბადების თარიღი: 1 აგვისტო, 1943 (80 წლის)

დაბადების ადგილი: ქ. ბალეი (რუსეთი).

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1969 წელს.

1969–1972წწ. მუშაობდა საქართველოს ტელევიზიის საესტრადო ორკესტრის ხელმძღვანელად; 1973–1974წწ. იყო ექსპერიმენტალური თეატრ–სტუდია “მეტეხის” მუსიკალური ხელმძღვანელი, 1973–1977წწ. თბილისის გრიბოედოვის სახელობის თეატრის მუსიკალური ხელმძღვანელი; 1977–1980წწ. იყო ამიერკავკასიის სასაზღვრო ოლქის წითელდროშოვანი ანსამბლის სამხატვრო ხელმძღვანელი; 1980 წლიდან კინოსტუდია “ქართული–ფილმის” მუსიკალური რედაქტორი; მისი შემოქმედება ძირითადად შემოიფარგლება საესტრადო მუსიკით; დაწერილი აქვს: კამერულ–ინსტრუმენტული ნაწარმოებები – რონდო სიმებიანი ორკესტრისათვის(1963), სიუიტა სიმებიანი ორკესტრისათვის შ. რუსთაველის მიხედვით(1964), ოთხი პიესა სიმებიანი კვარტეტისათვის(1965), სონატა ფორტეპიანოსათვის(1966), ორი მინიატურა ნონეტისათვის(1967), ვარიაციები ხალხურ თემაზე ფორტეპიანოსათვის(1973); კამერულ–ვოკალური ნაწარმოებები – ორი რომანსი(1968), 12 საბავშვო სიმღერა(1970); საგუნდო ნაწარმოებები; საესტრადო ნაწარმოებები – სიუიტა საესტრადო ორკესტრისათვის(1972), საესტრადო საორკესტრო პიესები “მგზავრული”, “დღესასწაული სოფლად”, “ექო მთებში”, სიმღერები; მუსიკა დრამატული სპექტაკლების, მუსიკალური თეატრის(1969, ბალეტი “პიგმალიონი”, 1973, ოპერეტა “სხვისი შვილების მამა”), კინოფილმების, რუსული და ქართული მოზარდმაყურებელთა თეატრების სპექტაკლების და ანიმაციური ფილმებისათვის.

წყარო: ალექსანდრე რაქვიაშვილი – ბიოგრაფიული ლექსიკონი (nplg.gov.ge)