დაბადების თარიღი: 24 მაისი, 1954 (70 წლის)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1976 წელს; 1993 წელს ჰუმანიტარულ-ტექნიკური ინსტიტუტის იმპროვიზაციული მუსიკის ფაკულტეტი.

1980-1989წწ. იყო მათემატიკის ინსტიტუტის უმცროსი, 1990-1993წწ. უფროსი მეცნიერ-თანამშრომელი; 1989-1996წწ. ჯაზ-ჯგუფ “ადიოს” წევრი; 1992-1993წწ. რუსთაველის თეატრის კომპოზიტორი; 1996-1997წწ. “Godin Guitars-ის(კანადა) და Blue Chip Music Technology-ს(გერმანია) საერთაშორისო პერფომერ-წარმომადგენელი, მსოფლიო მუსიკის საერთაშორისო ფესტივალის მიწვეული დოცენტი; 1997 წლიდან ჯგუფ “შინის” წევრია. ავტორია 20-ზე მეტი სამეცნიერო ნაშრომისა ალგებრულ ტოპოლოგიაში. კომპოზიტორია სპექტაკლებისა: “ცხოვრება სიზმარია”, “სეჩუანელი კეთილი ადამიანი”, “პალატა N6” და სხვ. გერმანიაში გამოსულია მისი კომპაქტ-დისკები. 10 ევროპული მუსიკალური ფესტივალის ლაურეატი.

საკანდიდატო დისერტაციის თემა -“ძლიერი შეიპური თეორია”, დაიცვა 1981 წელს.

წყარო: ზაზა მიმინოშვილი – ბიოგრაფიული ლექსიკონი