დაბადების თარიღი: 21 თებერვალი, 1935
გარდაცვ. თარიღი: სექტემბერი, 2017 (82 წლის ასაკში)

დაბადების ადგილი: ქ. მოსკოვი, რუსეთი.

დაამთავრა თბილისის სამხატვრო აკადემიის არქიტექტურის ფაკულტეტი 1959 წელს.

შემოქმედებით ჯგუფ “სამეულის” (ო. ქოჩაკიძე, ა. სლოვინსკი, ი. ჩიკვაიძე) ერთ-ერთი შემქმნელი და წევრი (1957-1992). 1976-1996წწ. მარჯანიშვილის სახელობის თეატრის მთავარი მხატვარი. დარგი: ფერწერა, გრაფიკა, სცენოგრაფია, მონუმენტური ხელოვნება. დამდგმელი რეჟისორია ფილმების: “კონკურენცია” (ანიმაციური, 1970), “ჯადოსნური კვერცხი”(ანიმაციური, 1974), “სადა ხარ ჩემო სავანა?” (ანიმაციური, 1975); სცენარის ავტორია ფილმების: “ოქრო” (ანიმაციური, 1966), “კონკურენცია” (ანიმაციური, 1970), “ჯადოსნური კვერცხი” (ანიმაციური, 1974); დამდგმელი მხატვარია ფილმების: “ოქრო” (ანიმაციური, 1966), “კონკურენცია” (ანიმაციური, 1970), “ჯადოსნური კვერცხი” (ანიმაციური, 1974), “სადა ხარ ჩემო სავანა?” (ანიმაციური, 1975), “სიზმარა” (ანიმაციური, 1986), “უკვდავი სული” (დოკუმენტური, 1987) და სხვ. მონაწილეობს პერსონალურ და ჯგუფურ გამოფენებში. მისი ნამუშევრები დაცულია: საქართველოს მხატვართა კავშირი; საქართველოს თეატრის, მუსიკის, კინოსა და ქორეოგრაფიის მუზეუმი, თბილისი; მოსკოვის ბახრუშინის სახელობის მუზეუმი; ნონკონფორმიზმის მუზეუმი, ფილადელფია, აშშ; საქართველოს, რუსეთისა და აშშ-ის კერძო კოლექციები.

წყარო: ოლეგ ქოჩაკიძე – ბიოგრაფიული ლექსიკონი