დაბადების თარიღი: 28 ოქტომბერი, 1948 (77 წლის)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1972 წელს.

1972 წლიდან ასწავლიდა მუსიკის თეორიის საგნებს ქ. რუსთავის მუსიკალურ სასწავლებელში, 1974 წლიდან თბილისის I მუსიკალურ სასწავლებელში; შექმნილი აქვს: ნაწარმოებები მუსიკალური თეატრისათვის, სიმფონიური ნაწარმოებები: ვარიაციები სიმფონიური ორკესტრისათვის (1971), “ჰამლეტი”, სიუიტა სიმფონიური ორკესტრისათვის (1978), სიმფონია სიმფონიური ორკესტრისა და ორღანისათვის (1984); ვოკალურ–სიმფონიური ნაწარმოებები, საგუნდო ნაწარმოებები: “ხუთი ფანტაზია ქართულ ხალხურ თემებზე” (1969), საბავშვო საგუნდო ციკლი ა კაპელა (1977), ორი საგუნდო სურათი ქალთა გუნდის ა კაპელასათვის (1980); კამერულ–ინსტრუმენტული ნაწარმოებები: ორი მინიატურა ფორტეპიანოსათვის (1967), სიმებიანი კვინტეტი ორი ვიოლინოს, ალტის, ვიოლონჩელოსა და კონტრაბასისათვის (1968), სონატა ალტისა და ფორტეპიანოსათვის (1970), სიმებიანი კვარტეტები (1973, 1975, 1980); რ. კაჟილოტის დაწერილი აქვს მუსიკა დრამატული სპექტაკლებისათვის: ცხინვალის ქართულ დასში – “ექვსი შინაბერა და ერთი მამაკაცი” (1974); ნ. დუმბაძის “საბრალდებო დასკვნა (1974); ჭიათურის თეატრში – ვ. კოროსტილიოვის “მე მჯერა შენი” (1973); რუსთავის თეატრში – უ. შექსპირის “ჰამლეტი” (1975); მესხეთის თეატრში – თ. ბიბილურის “მოლოდინი” (1974); თბილისის მოზარდ – მაყურებულთა ქართულ თეატრში მ. სვეტლოვის “20 წლის შემდეგ” (1977); მეტეხის თეატრში – ვ. კანდელაკის “დრო- 24 საათი” (1983). მუსიკალურად გაფორმა ტელეფილმები: “ლაზარე” (1972); “სტადიონი” (1979) და სხვ. მუსიკის დოქტორი. პროფესორი. 1992 წლიდან ცხოვრობს და მოღვაწეობს ისრაელში. არის ისრაელის პრემიერ-მინისტრის პრემიის ლაურიატი.

წყარო: რუბენ კაჟილოტი – ბიოგრაფიული ლექსიკონი