მეათეკლასელ ზურას, რომელიც მამის მეგობარს მანქანას მოპარავს და ამხანაგებს მცხეთაში გაასეირნებს, სკოლის დირექტორი შეჯიბრებიდან მოხსნის. ზურას მამა დირექტორს გადაწყვეტილებას შეაცვლევინებს, იმასაც მოახერხებს, რომ ზურას გამარჯვებულად სცნობენ. ამხანაგებმა იციან, რომ გამარჯვება სხვას ეკუთვნოდა. ხათუნა ზურას ძალად ჩემპიონობისათვის შეარცხვენს. ამხანაგებთან და საყვარელ გოგონასთან დაპირისპირებით ზურა საჭეს ვერ დაიმორჩილებს, მანქანა გადაბრუნდება და გვერდით მჯდომი თანაკლასელი ლექსო დაიღუპება. ზურას მამა ცდილობს ავარია დაღუპულს გადააბრალოს. შვილი პირველად დაუპირისპირდება მამას, მის გავლენას თავს დააღწევს და დანაშაულის აღიარებას გადაწყვეტს.