დაბადების თარიღი: 12 მაისი, 1969 (56 წლის)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიისა და კინოდრამატურგიის ფაკულტეტები 1991 წელს;
შოთა რუსთაველის თეატრისა და კინოს სახელმწიფო უნივერსიტეტი, კინო-ტელე რეჟისურის სპეციალობით 2003 წელს.
2002-2006წწ. მუშაობდა საქართველოს შოთა რუსთაველის თეატრისა და კინოს სახელმწიფო უნივერსიტეტში, ასევე საქართველოს ტელევიზიისა და რადიომაუწყებლობის ინსტიტუტში, სარეჟისორო ჯგუფის რეჟისორის ასისტენტად; 2003 წლიდან იყო პირველი კლასიკური გიმნაზიის დამდგმელი რეჟისორი; 2008 წლიდან არის შემოქმედებითი საწარმოო გაერთიანება “ლირა ფროდაქშენის” დამფუძნებელი და დირექტორი; 2015 წელს შემოქმედებითი საწარმოო გაერთიანება “ლირა პროდაქშენის” ბაზაზე, მისი, როგორც პროდიუსერისა და კინორეჟისორის მონაწილეობით, მიხო მოსულიშვილმა საკუთარი რომანის “დიდი ძუ დათვის” მიხედვით შექმნა სრულმეტრაჟიანი მხატვრული ფილმის სცენარი, რომელიც ერთ-ერთი გამარჯვებული გახდა საქართველოს კინემატოგრაფიის ეროვნული ცენტრის, საქართველოს კულტურისა და ძეგლთა დაცვის სამინისტროს და ქართული წიგნის ეროვნული ცენტრის ერთობლივი პროექტის “21-ე საუკუნის ქართული ლიტერატურული ნაწარმოების მიხედვით სცენარის შექმნის კონკურსში”; 2016 წელს ნორვეგიის ქალაქ ჰაუგესუნდის ინტერნაციონალური კინოფესტივალის კოორდინატორის ოისტეინ ეგეს შერჩევის შემდეგ, კინოპროექტი “დიდი ძუ დათვი” ლალი კიკნაველიძის, როგორც პროდიუსერის მიერ წარდგენილი იყო ნორდიკის ერთობლივი პროექტების ბაზრობაზე; მისი სხვა პროექტებიც და ფილმებიც აქტიურად მონაწილეობს საერთაშორისო ფესტივალებში, კინო მარკეტებსა და ტრენინგ-პროგრამებში; არის რეჟისორი ფილმებისა: “კახეთის მატარებელი” (მხატვრული, 2018), “No. 25 Symphony” (2012); სცენარის ავტორი: “კახეთის მატარებელი” (მხატვრული, 2018), “განდეგილი” (ანიმაციური, 2011), “ვაკუუმი” (ანიმაციური, 2009), პროდიუსერი: “კახეთის მატარებელი” (მხატვრული, 2018), “ჯინო” (ანიმაციური, 2017), “განდეგილი” (ანიმაციური, 2011), “ვაკუუმი” (ანიმაციური, 2009). კინორეჟისორი, პროდიუსერი.

წყარო: ლალი კიკნაველიძე – ბიოგრაფიული ლექსიკონი