დაბადების თარიღი: 21 ივლისი, 1972 (52 წლის)

დაბადების ადგილი: ქ. თბილისი.

1989-1991წწ. სწავლობდა თბილისის სახელმწიფო უნივერსიტეტში უცხო ენების ფაკულტეტზე ფრანგული ენისა და ლიტერატურის სპეციალობაზე; 1990-1996წწ. შოთა რუსთაველის სახელობის თბილისის კინოსა და თეატრის ინსტიტუტის სარეჟისორო ფაკულტეტზე.

1993 წლიდან ეწევა აქტიურ სარეჟისორო მოღვაწეობას კინოსა და თეატრში. დამდგმელი რეჟისორია ფილმების: “ნოკტიურნი” (1995), “ოსკარი” (1995), “სხვისი სახლი” (2016); სცენარის ავტორია ფილმების: “ოსკარი” (1995), “ნოკტიურნი” (1995); პროდიუსერია ფილმის: “აპრილის სუსხი (2010); კომპოზიტორია ფილმის: “ნოკტიურნი”(1995). 2017 წელს მისი ფილმი “სხვისი სახლი” წარდგენილი იყო ამერიკის ეროვნული კინოაკადემიის პრემია “ოსკარზე”, საუკეთესო უცხოენოვანი ფილმების ნომინაციაში. მიღებული აქვს 25-ზე მეტი ჯილდო, მისმა ფილმმა “სხვისი სახლი” არაერთი საერთაშორისო კინოფესტივალის პრიზი დაიმსახურა: ევრაზიის საერთაშორისო კინოფესტივალის გრან პრი, “Российской газета”-ს პრიზი სახალინის VI საერთაშორისო კინოფესტივალ “Край света” (რუსეთი), თბილისის მე-17 საერთაშორისო კინოფესტივალის მთავარი პრიზი საუკეთესო ფილმისთვის (2016), კარლოვი ვარის 51-ე საერთაშორისო კინოფესტივალის საკონკურსო პროგრამის “East of the West” პრიზი “ბროლის გლობუსი” (2016), ბერგენის IFF პრიზი (ნორვეგია) ექსტრაორდინალური კინო ფილმისთვის (2016), რუსული კინოს აკადემიის პრემია “ნიკა” (2017).

წყარო: რუსუდან გლურჯიძე – ბიოგრაფიული ლექსიკონი (nplg.gov.ge)