დაბადების თარიღი: 23 სექტემბერი, 1941
გარდაცვ. თარიღი: 28 იანვარი, 1974 (32 წლის ასაკში)

დაამთავრა “სოიუზმულტფილმთან” (მოსკოვი) არსებული ანიმატორთა კურსები.

მუშაობდა “ქართული ფილმის” მულტგაერთიანებაში ანიმატორად ვახტანგ ბახტაძის, შალვა გედევანიშვილის, ბორის სტარიკოვსკის, მიხეილ ჭიაურელის ფილმებზე. არის დამდგმელი მხატვარი სატელევიზიო მუსიკლური ფილმებისა: “ორერა სრული სვლით” (ზ. კაკაბაძე, 1970), “მზიური” (1973), “პატარა სიმღერა” (1969). სარეჟისორო დებიუტია ანიმაციური საავტორო ფილმი “მხსნელი” (1972). ქართული ხალხური ზღაპრის “მუჭანახევარას” მოტივებზე მხატვარ მამია მალაზონიასთან და კომპოზიტორ ჯანსუღ კახიძესთან ერთად შექმნა იგავი კონფორმისტზე “რაანინა”(1974). ანიმატორია ფილმებისა: “გმირი” (1963), “როგორ ააშენეს სახლი” (1965), “ოქრო” (1966), “კონკურენცია” (1967). დაუმთავრებელი დარჩა საავტორო ფილმი “მე”. კინოოპერატორი, ანიმაციური კინოს რეჟისორი.

წყარო: მიხეილ ბახანოვი – ბიოგრაფიული ლექსიკონი (nplg.gov.ge)